काठमाडौं । राष्ट्रिय सभाले ‘सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक, २०८१’ बहुमतले पारित गरेको छ ।
सभाका अध्यक्ष नारायणप्रसाद दाहालले विधेयक पारित भएको जानकारी गराएका थिए । प्रधानमन्त्री केपी शर्मा ओलीका तर्फबाट सञ्चार तथा सूचना प्रविधिमन्त्री पृथ्वी सुब्बा गुरुङले छलफलका लागि प्रस्ताव प्रस्तुत गरेका थिए ।
विधेयकमा पर्याप्त छलफल नभएको भन्दै सांसद तुलप्रसाद विश्वकर्मा, विष्णुबहादुर विश्वकर्मा, डा. वेदुराम भुसाल, गङ्गाकुमारी बेलवासे, राधेश्याम पासवान र राजेन्द्रलक्ष्मी गैरेले संशोधन प्रस्ताव राखेका थिए ।
मन्त्री गुरुङले उठेका प्रश्नहरू मननयोग्य रहेको उल्लेख गर्दै कार्यान्वयनका क्रममा आवश्यक कार्यविधि बनाई अघि बढ्न सकिने बताए ।
