रूसी सेनाको आक्रमणमा ११ युक्रेनी नागरिकको मृत्यु भएको छ । युक्रेनको दोनेत्सकमा पर्ने डोब्रोपिलियामा रूसले गरेको आक्रमणमा परी ११ जनाको मृत्यु भएको हो ।
युक्रेनले आक्रमणबाट ११ जनाको मृत्यु र ३० जना घाइते भएको पुष्टि गरेको बीबीसीले जनाएको छ । बीबीसीका अनुसार शुक्रबार अबेर राति भएको आक्रमणबाट आठ आवासीय र एक प्रशासनिक भवनमा क्षति पुगेको छ ।
डोब्रोपिलिया रूसले कब्जा गरेको दोनेत्सक सहरको उत्तर–पश्चिममा अवस्थित छ । युक्रनेले यसअघि बिहीबार राती रूसको आक्रमणबाट पाँच जनाको मृत्यु भएको बताएको थियो ।
अमेरिकाले सैन्य हतियार रोकेसँगै युक्रेन संकटमा परेको छ । युक्रेनलाई यसअघि दिँदै आएको जासुसी सहयोग र सूचना पनि अमेरिकाले रोकेपछि रसियाले आक्रमण बढाएको हो ।
