काठमाडौँ । वरिष्ठ पत्रकार एवम् पूर्वराजदूत कमल कोइरालाप्रति प्रधानमन्त्री केपी शर्मा ओलीले श्रद्धाञ्जली अर्पण गरेका छन् । प्रधानमन्त्री ओलीले सोमबार नेकपा (एकीकृत समाजवादी)को पार्टी कार्यालय आलोकनगरमा पुगेर कोइरालाप्रति श्रद्धाञ्जली अर्पण गरेका हुन् ।
कोइरालाको पार्थिव शरीर अन्तिम श्रद्धाञ्जलीका लागि सोमबार नेकपा एसको पार्टी केन्द्रीय कार्यालयमा राखिएको छ । पक्षघातपछि उपचारका क्रममा अस्पताल लगिएको थियो । उपचारकै क्रममा कोइरालाको ८७ वर्षको उमेरमा आइतबार राति निधन भएको थियो ।
