काठमाडौं । राष्ट्रिय स्वतन्त्र पार्टीका सभापति रवि लामिछानेको बयान जिल्ला अदालत काठमाडौंका न्यायाधीश माधवप्रसाद अधिकारीको इजलासमा हुने भएको छ ।
आइतबार अदालतमा उपस्थित भएका लामिछानेको बयानका लागि अधिकारीको इजलास तोकिएको हो । उनी पुस २५ मा कास्की अदालतबाट ६५ लाख धरौटी बुझाएर रिहा भएका थिए । आफैं अदालतमा उपस्थित हुने बताएपछि उनलाई प्रहरीले पुनः पक्राउ गरेको थिएन ।
स्वर्णलक्ष्मी सहकारीको बचत अपचलन प्रकरणमा पुस २१ गते लामिछानेसहित ३९ जनालाई प्रतिवादी बनाएर काठमाडौँ जिल्ला अदालतमा मुद्दा दर्ता भएको छ लामिछानेविरुद्ध ५ करोड ८ लाख बिगो दाबी गर्दै सहकारी ठगी र संगठित अपराधमा मुद्दा दर्ता गरिएको छ।
