काठमाडौं । काठमाडौंको पिंगलास्थानस्थित बागमती होटलमा युवती मृत भेटिएकी घटनामा संलग्न फरार युवक पनि मृत अवस्थामा फेला परेका छन् ।
ओखलढुंगाका २३ वर्षीय देवबहादुर थापा शनिबार दिउँसोओखलढुंगाकै सुनकोसी गाउँपालिका–३, सिस्नेरीमा झुन्डिएको अवस्थामा फेला परेका हुन् ।
गएको बुधबार पिंगलास्थानस्थित वाग्मती होटेलमा २२ वर्षीया सुस्मिता खड्काको शव फेला परेको थियो । थापा पनि युवतीसँग सोही होटलमा बस्न पुगेको खुलेको थियो । तर जब सुस्मिता मृत भेटिइन् थापा फरार थिए । युवती जापनिज भाषा अध्ययनरत रहेको र युवक केही समयअघि मात्रै जापानबाट फर्किएको खुलेको छ ।
