नाइजरका जनस्वास्थ्य तथा सामाजिक मामिला मन्त्री गरबा हाकिमीले बिहीबार एक समारोहमा औपचारिक रूपमा देश ‘ ओन्कोसेर्सियासिस’बाट मुक्त भएको घोषणा गरे । ओन्कोसेर्सियासिस आँखा र छाला सम्बन्धी रोग हो ।
“यस ऐतिहासिक उपलब्धिको साथ नाइजर यो रोग उन्मूलन गर्ने अफ्रिकाको पहिलो देश बनेको छ, जसले विशेष गरी निश्चित जलमार्गहरू नजिक बसोबास गर्ने जनसङ्ख्यालाई असर गरेको थियो ।”
विश्व स्वास्थ्य सङ्गठन (डब्ल्यूएचओ) ले ओन्कोसेर्सियासिस हटाउन आवश्यक बेन्चमार्क हासिल गरेकोमा नाइजरलाई बधाई दियो । डब्लुएचओका स्थानीय प्रतिनिधि कासिमिर मानेन्गुले नाइजरको प्रतिबद्धता र नेतृत्वको प्रशंसा गरे ।
“म नाइजरलाई यस रोगबाट आफ्नो जनसङ्ख्यालाई मुक्त गर्नको लागि बधाई दिन्छु,” डब्लुएचओका महानिर्देशक टेड्रोस अधानोम गेब्रेयससले बताए ।“यसले अझै पनि ओन्कोसेर्सियासिससँग सङ्घर्ष गरिरहेका अन्य देशहरूको लागि आशा प्रदान गर्दछ ।”
