काठमाडौँ । संसदको सार्वजनिक लेखा सार्वजनिक लेखा समितिका सभापति ऋषिकेश पोखरेलले ठगीमा संलग्नको आरोप लागेका स्वकीय सचिव अनिलकुमार पोखरेललाई हटाएका छन् ।
संसद सचिवालयलाई पत्र लेखेर सभापति पोखरेलले स्वकीय सचिवलाई हटाएका हुन् । उच्च अदालत विराटनगरले सभापति पोखरेलका स्वकीय सचिव अनिलकुमार पोखरेललाई ठगीमा अनुसन्धान गर्न जिल्ला प्रहरी कार्यालय मोरङलाई परमादेश दिएको थियो ।
मोरङको रंगेली नगरपालिका–२ का पोखरेललाई एमबीबीएसमा नाम निकालिदिने भन्दै रकम ठगी गरेको आरोप लागेको छ । छोरीलाई पार्टीको कोटाबाट एमबीबीएसमा नाम निकालिदिने भनी पोखरेलले आफूसँग ३८ लाख ३० हजार रुपैयाँ लिएको आरोप सप्तरीको अग्नीसाइर कृष्णासवरन गाउँपालिका–५ बकधुवा निवासी बौआलाल चौधरीको छ ।
