झापा । लागूऔषध र गैँडाको खाग जस्तो देखिने वस्तुसहित झापाबाट एकजना पक्राउ परेका छन् । पक्राउ पर्नेमा भारत पश्चिम बङ्गाल उत्तर मेन्दाबारी बस्ने नारायण रामधाम छन् ।
मेचीनगर नगरपालिका–६ काँकरभिट्टास्थित हिमालय गेस्ट हाउसबाट उनी पक्राउ परेका प्रहरीले जनाएको छ ।
उनको साथबाट १ किलो ७ सय ग्राम तौलको गैँडाको खाग जस्तो देखिने वस्तु १ थान, अवैध लागूऔषध खैरो हेरोइन जस्तो देखिने पदार्थ २ ग्राम ८ सय मिलिग्राम, नियन्त्रित लागूऔषध पिएभन स्पास प्लस १ सय ४४ ट्याब्लेट, डिजिटल तराजु १ थान र मोबाइल २ थान बरामद गरिएको छ ।
