काठमाडौं । काठमाडौंको चन्द्रागिरि नगरपालिका २ नागढुङ्गाबाट अवैध लागूऔषध खैरो हेरोइनसहित दुई जनालाई शुक्रबार बिहान प्रहरीले पक्राउ गरेको छ।
पक्राउ पर्नेमा कपिलवस्तु बाणगंगा नगरपालिका ३ बस्ने ३३ वर्षीय बसन्त बस्याल र सप्तरी तिलाठी कोइलाडी गाँउपालिका २ बस्ने ३४ वर्षीय लाल कुमार मण्डल रहेका छन्।
प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुंगाबाट खटिएको प्रहरीले काँकडभिट्टादेखी काठमाडौंतर्फ आउँदै गरेका बाप्र ०१–००१ ख २८५६ नम्बरको बसमा सवार बसन्तलाई करिब २१ ग्राम र बाप्र ०१–००६ ख ५६५२ नम्बरको बसमा सवार लाल कुमारलाई करिब १५ ग्राम खैरो हेरोइनसहित पक्राउ गरेको हो।
