काठमाडौं । नेकपा एमालेको केन्द्रीय कमिटीको बैठकले पूर्वउपाध्यक्ष डा. भीम रावललाई पार्टीबाट निष्कासन गर्ने र स्थायी कमिटी सदस्य डा. बिन्दा पाण्डे तथा केन्द्रीय कमिटी सदस्य उषाकिरण तिम्सिनाको कारबाहीलाई अनुमोदन गरेको छ ।
आइतबारदेखि सुरु भएको केन्द्रीय कमिटी बैठकले तीन नेतामाथि कारबाही गर्ने पुस ११ गतेको सचिवालय बैठकको निर्णय अनुमोदन गरेको हो । एमाले प्रचार विभाग प्रमुख राजेन्द्र गौतमले सचिवालय बैठकको निर्णय सर्वसम्मत अनुमोदन भएको जानकारी दिए ।
सचिवालय बैठकले व्यवसायी मीनबहादुर गुरुङसँग पार्टी कार्यालय बनाउन जग्गा दान लिने निर्णयको विरोध गर्ने तीन नेतामाथि कारबाही गर्ने निर्णय गरेको थियो । बैठकले रावललालाई पार्टीबाट निस्कासन र पाण्डे र तिम्सिनालाई ६ महिना निलम्बन गर्ने निर्णय गरेको थियो ।
