काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले शान्ति प्रक्रिया पूरा गर्न राष्ट्रिय सहमति आवश्यक रहेको बताएका छन् ।
शनिबार एकीकृत अखिल नेपाल शिक्षक संगठन र नेपाल शिक्षक समाजबीच एकता घोषणा समारोहमा अध्यक्ष प्रचण्डले विगतमा शान्ति प्रक्रिया बहुमतबाट टुङ्गोमा पुर्याउन दायाँ र बायाँ कोणबाट प्रस्ताव आएपनि आफूले सहमतिमै जोड दिएका कारण यो राष्ट्रिय सहमतिबाट पूरा हुने बताए ।
प्रचण्डले आज मात्रै तीन बामपन्थी दलसित एकता वार्ता भएको जानकारी दिँदै धेरैको साझा निष्कर्ष बन्न थालेको बताए ।
