काठमाडौं । नक्कली भुटानी शरणार्थी प्रकरणमा पक्राउ परेका बेचन झा र प्रतिक थापालाई थुनामै राख्न उच्च अदालत पाटनले आदेश दिएको छ ।
सोमबार उच्च अदालतका न्यायाधीशद्वय अञ्जु उप्रेती ढकाल र कैलाशप्रसाद सुवेदीको इजलासले झा र थापालाई थुनामा पठाउने काठमाडौं जिल्ला अदालतको आदेशलाई सदर गरेको हो ।
झाले जिल्ला अदालत काठमाडौंले आफूलाई गैरकानुनी रूपमा थुनामा पठाएको भन्दै उच्च अदालत पाटनमा निवेदन दिएका थिए । यसअघि २ भदौ २०८१ मा जिल्ला अदालत काठमाडौंले झा र थापालाई थुनामा पठाउन आदेश दिएको थियो ।
