काठमाडौं । साताको तेस्रो दिन मंगलबार शेयर बजार नेप्से सामान्य अंकले बढेको छ । सोमबार ५१.३७ अंकले घटेको नेप्से मंगलबार २.९५ अंकले बढेको छ ।
नेप्से सामान्य अंकले बढेपनि कारोबार भने घटेको छ । मंगलबार ३ सय १८ कम्पनीको ८९ लाख ३९ हजार ३४८ कित्ता सेयर ४ अर्ब ३४ करोड ३२ लाख रुपैयाँमा कारोबार भएको छ ।
आज सपोर्ट माइक्रो फाइनान्स वित्तीय संस्थाको सेयर १० प्रतिशतले बढ्यो । जानकी फाइनान्सको ९.८५ प्रतिशतले बढ्दा दोल्टी पावरको ९.०९, गुराँस लघुवित्त वित्तीय संस्थाको ८.४२ र नारायणी डेभलपमेन्ट बैंकको ६.९८ प्रतिशतले बढेको हो । कारोबारमा आएका कम्पनीमध्ये ११७ वटाको मूल्य बढ्दा ११७ वटाकै घट्यो।
