काठमाडौं । नेपाल प्रिमियर लिगमा विराटनगर किंग्सले लुम्बिनी लायन्समाथि रोमाञ्चक जित दर्ता गरेको छ । यो एनपीएलमा विराटनगरको पहिलो जित हो ।
त्रिवि क्रिकेट मैदान कीर्तिपुरमा भएको आजको दोस्रो खेलमा लुम्बिनीले दिएको १ सय ९२ रनको बलियो लक्ष्य विराटनगरले १९.५ ओभरमा ८ विकेट गुमाएर पूरा गरेको हो ।
विराटनगरका लागि लोकेश बमले सर्वाधिक ७१ रन जोडे । उनले ४७ बलमा ३ चौका र ६ छक्का प्रहार गरे । यसैगरी बसिर अहमदले २३ बलमा चौका र छक्काको सहयोगमा ४० रन जोडे ।
