काठमाडौं । राष्ट्रिय स्वतन्त्र पार्टीले केन्द्रीय विभाग र आयोगमा केही सदस्यहरू मनोनयन गरेको छ । शुक्रबार पार्टीका कार्यवाहक सभापति डीपी अर्यालको अध्यक्षतामा बसेको सचिवालय बैठकले केन्द्रीय संगठन विभाग र अनुशासन आयोगमा सदस्यहरू मनोनयन गरेको हो ।
केन्द्रीय अनुशासन आयोगमा नवलपरासीका कमलप्रसाद पोखरेल र ताप्लेजुङका हरिचन्द्र भट्टराई मनोनित भएका छन् ।
यस्तै केन्द्रीय संगठन विभागमा लमजुङका धर्म केसी, रूपन्देहीका गोपाल घिमिरे र सिरहाका डा विमल तिवारी मनोनित भएका छन् । बैठकले पार्टीको केन्द्रीय समितिको विस्तारित बैठक पुस १९, २० र २१ गते बस्ने निर्णय पनि गरेको छ ।
