काठमाडौं । प्रमुख प्रतिपक्षी दल नेकपा माओवादी केन्द्रको स्थायी समिति बैठक जारी छ । यसअघि बिहीबार बस्ने तय भएको बैठक स्थगित भएपछि आज बसेको हो । बैठक पार्टी मूख्यालय पेरिशडाँडामा बसिरहेको छ ।
बिहिबारको बैठक पार्टी अध्यक्ष पुष्पकमल दाहाल ‘प्रचण्ड’को कार्यव्यस्तताका कारण स्थगित भएको थियो ।बैठकमा माओवादी घटकसँगको एकता प्रक्रियालगायत विषयमा छलफल हुने बताइएको छ ।
साथै आजको स्थायी समिति बैठकमा केन्द्रीय समिति बैठकका एजेन्डा पनि तय गर्ने सम्भावना रहेको छ । माओवादी केन्द्रले केन्द्रीय समिति बैठक आगामी पुस २ गतेदेखि सुरु गर्ने तयारी गरेको छ ।
