पोखरा । ‘सडकमै खाऔं, सकडमै नाचौं, सडकमै रमाऔं’ भन्ने नारासहित पोखरामा शनिबारदेखि २६ औ पोखरा सडक महोत्सव सुरु भएको छ ।
रेवान पोखराले अंग्रेजी नयाँवर्षको स्वागतमा विगत २६ वर्षदेखि महोत्सवको आयोजना गर्दै आएको छ । लेकसाइडको खहरेचोकबाट सुरु विभिन्न सांस्कृतिक झाँकी सहितको र्यालीले कोमागाने पार्क पुगेर औपचारीक रुपमा सुरु भएको छ । महोत्सवको सञ्चारमन्त्री पृथ्वीसुब्बा गुरुङले उद्घाटन गरेका छन् ।
पोखराको फिस्टेल गेट देखि डिहिकोपाटनसम्मको करिब साढे ३ किलोमिटर खुल्ला सडकमा महोत्सव संचालन भएको छ । विभिन्न झाँकीमा स्वदेशी तथा विदेशी पर्यटकहरु रमाएका छन् । खुल्ला सडकमा टेबल कुर्ची निकाली सडकमै खाने, सडकमै सास्कृतिक तथा विभिन्न कार्यक्रम संचालन हुने छन् ।
महोत्सवलाई लक्षित गरि लेकसाईड क्षेत्रलाई दुलही झैं सिगारिएको छ । पुस १७ गते सम्म संचालन हुने महोत्सव रङ्गीचङ्गी भएको छ । महोत्सवमा सडकमै राष्ट्रिय तथा अन्तर्राष्ट्रिय खानाका परिकार, विभिन्न मनोरन्जनात्मक कार्यक्रम, पर्यटन, खेलकुद, हस्तकला प्रदर्शनी, बालउद्यान, साहसिक पर्यटक खेलकुद वृत्तचित्र प्रदर्शनी, लोकदोहोरी, लाइभ कन्सर्टलगायत कार्यक्रम हुनेछन् ।
