कालीकोट । कालीकोटको तिलागुफा नगरपालिका–४ को वडाध्यक्षमा नेपाल मजदुर किसान पार्टीका खड्गराज शाही निर्वाचित भएका छन् । १४३ मतसहित शाही अध्यक्षमा निर्वाचित भएका हुन् । उनका प्रतिद्वन्द्वी नेकपा माओवादी केन्द्रकी नैसोभा शाहीले ११५ मत ल्याएका छन् ।
नेकपा एमालेका ऐनबहादुर शाहीले ७८, कांग्रेसका पैलबहादुर शाहीले ४९, रास्वपाका गगन बमले ५, राप्रपाका गोगनबहादुर शाहीले १७ मत ल्याएका छन् । खसेको मतमध्ये ४ मत बदर भएका छन् । यसअघि माओवादीका परबहादुर शाही अध्यक्ष थिए । उनको २०७९ मा मृत्यु भएको थियो।
