विगत आठ महिनामा इरान, पाकिस्तान र टर्कीबाट कुल नौ लाख ७० हजार अफगान शरणार्थीहरू आफ्नो मातृभूमि फर्किएका छन् ।
शरणार्थी तथा स्वदेश फिर्ता सम्बन्धी मन्त्रालयका प्रवक्ता अब्दुल मुतालिब हक्कानीले भने,“तिनीहरूमध्ये करिब ८८ हजार पाकिस्तानी, करिब पाँच हजार टर्की र बाँकी इरानका छन् ।”
मन्त्रालयले जारी गरेको आधिकारिक तथ्याङ्क अनुसार करिब ७० लाख अफगान शरणार्थी विदेशमा बस्दै आएका छन् । यसमध्ये अधिकांश अफगानिस्तानको छिमेकी पाकिस्तान र इरानमा रहेका छन् ।
अफगान कार्यवाहक सरकारले अफगान शरणार्थीहरूलाई विदेशमा शरणार्थीको रूपमा बस्न बन्द गर्न र युद्धले क्षतिग्रस्त आफ्नो देशको पुनर्निर्माणमा योगदान दिन स्वदेश फर्किन बारम्बार आग्रह गरेको छ ।
