काठमाडौं । जनकपुर बोल्ट्स नेपाल प्रिमियर लिग एनपीएलको प्लेअफमा पुगेको छ ।
आज भएको खेलमा काठमाडौं गुर्खाजलाई ५ विकेटले पाखा लगाउँदै जनकपुर अर्को चरणमा पुगेको हो । एक खेल अगावै अर्को चरणमा पुग्ने पहिलो टिम जनकपुर बनेको छ ।
यो जितसँगै जनकपुरको ६ खेलबाट १० अंक भएको छ । काठमाडौंले दिएको १०२ रनको लक्ष्य जनकपुरले १६ ओभरमा ५ विकेट गुमाएर पुरा गर्यो । टस जितेर पहिले ब्याटिङ रोजेको काठमाडौं १९.१ ओभरमा १०१ रन बनाएर अलआउट भएको थियो ।
