काठमाडौं । राष्ट्रिय प्रजातन्त्र पार्टीले मंसिर १६ गते भएको उपनिर्वाचनमा भएको कमजोरी अध्ययन गर्न समिति गठन गरेको छ । शनिबार बसेको केन्द्रीय कार्यसम्पादन समितिको बैठकले वरिष्ठ नेता बुद्धिमान तामाङको संयोजकत्वमा समिति गठन गरेको हो ।
समितिमा बागमती प्रदेश कार्यसमितिका अध्यक्ष बिक्रमबहादुर थापा र लुम्बिनी प्रदेश कार्यसमितिका अध्यक्ष प्रदीपकुमार उदय सदस्य छन् । बैठकले पार्टीको केन्द्रीय कार्य समिति बैठक माघ ११ र १२ गते काठमाडौंमा बस्ने निर्णय गरेको पार्टी प्रवक्ता मोहन श्रैष्ठले जानकारी दिए ।
