काभ्रे । ३० औं अन्तर माध्यामिक विद्यालय आइजीपी रनिङ ट्रफी फुटबलको उपाधि सशस्त्र प्रहरी विद्यालय कीर्तिपुर टीमले जितेको छ ।
शुक्रबार भएको फाइनल खेलमा सशस्त्र प्रहरी विद्यालय कीर्तिपुर टीमले नेपाल पुलिस स्कुल साँगा (रातो) टीमलाई ३–० गोल अन्तरले पराजित गरेको हो ।
प्रतियोगितमा नेपाल पुलिस स्कुल साँगा (रातो) टीम द्वितीय र नेपाल पुलिस स्कुल धरान टीम तृतीय भएका छन् । प्रतियोगितामा प्रथम हुने टीमले ६० हजार, द्वितीय हुने टीमले ४० हजार र तृतीय हुने टीमले २० हजार रूपैयाँ पुरस्कार प्राप्त गरेका छन् ।
प्रहरी महानिरीक्षक बसन्तबहादुर कुँवरले विजयी टीमलाई पुरस्कार प्रदान गरे । मंसिर १८ गतेदेखि शुरू भएको प्रतियोगितामा नेपाल पुलिस स्कुल साँगाका रातो र निलो टिम, नेपाल पुलिस स्कुल धरान, चितवन, दाङ र सामाखुसी, सैनिक आवासीय माध्यामिक विद्यालय, सशस्त्र प्रहरी विद्यालय लगायत काठमाडौं, भक्तपुर, ललितपुर र काभ्रेका गरी जम्मा १५ विद्यालयका १६ टीमको सहभागिता रहेको थियो ।
