काठमाडौं । प्रहरीले हुण्डी कारोबारमा संलग्न रहेको आरोपमा २६ लाख ५० हजार नगदसहित काठमाडौंबाट चार जनालाई पक्राउ गरेको छ ।
जिल्ला प्रहरी परिसर काठमाडौं र गौशाला वृत्तिबाट खटिएको टोलीले काठमाडौं महानगरपालिका–९ बत्तिसपुतलीस्थित श्री बालाजी इम्पोर्ट प्रालिबाट बुधबार चार जनालाई पक्राउ गरेको जिल्ला प्रहरी परिसर काठमाडौंका एसपी नवराज अधिकारीले जानकारी दिएका छन् ।
पक्राउ पर्नेम उक्त प्रालिका सञ्चालक गुल्मीका ५२ वर्षीय भेषराज पाण्डे, भारतको राजस्थान बस्ने ५२ वर्षीय वसन्तकुमार राठी, कमलपोखरी बस्ने ३५ वर्षीय प्रनिश थापा र ५२ वर्षीय सुरेश अधिकारी छन् । प्रहरीले यसबारे थप अनुसन्धान अघि बढाएको छ ।
प्रहरीले यसअघि मंगलबार पनि काठमाडौं महानगरपालिका वडा नम्बर नौ एयरपोर्ट शम्भुमार्गस्थित सडक खण्डबाट ६८ लाख रुपैयाँसहित चार जना हुण्डीकारोबारीलाई पक्राउ गरेको थियो ।
