चरिकोट । दोलखाको गौरीशंकर गाउँपालिको उपाध्यक्षमा एमालेकी उमा लुंगेली मगर निर्वाचित भएकी छन् । मगर २८०५ मत ल्याएर उपाध्यक्षमा निर्वाचित भएकी हुन् । उनकी प्रतिस्पर्धी माओवादी केन्द्रकी निम लेकी शेर्पाले २६०० मत ल्याएकी छन् ।
त्यस्तै, कांग्रेसकी पासदिकी तामाङले १७२७ मत ल्याइन् । त्यस्तै राप्रपाकी मनकुमारी श्रेष्ठले ११८ र रास्वपाकी गोमा श्रेष्ठले एकसय मत ल्याइन् ।
२०७९ को स्थानीय तह निर्वाचनमा गौरीशंकरको उपाध्यक्ष कांग्रेसले जितेको थियो । ०७९ को निर्वाचनमा कांग्रेसबाट उपाध्यक्षमा निर्वाचित श्यामसुन्दर तामाङको २०८० असार ३१ गते हृदयाघातका कारण निधन भएको थियो ।
