टोकियो । जापान सरकारले सन् २०४० सम्ममा सौर्य र वायुजस्ता नवीकरणीय ऊर्जा स्रोतहरूलाई देशको सबैभन्दा ठूलो ऊर्जा स्रोत बनाउने लक्ष्य लिएको छ।
योजनाले सन् २०४० सम्ममा कुल विद्युत् उत्पादनको ४० प्रतिशतदेखि ५० प्रतिशतसम्म नवीकरणीय ऊर्जाको योगदान दिने प्रस्ताव गरेको थियो, जसले थर्मल पावरलाई उछिनेर ३० प्रतिशतदेखि ४० प्रतिशतसम्म योगदान पुर्याउँछ।
हाल, जापानको ऊर्जा नीतिले सन् २०३० सम्ममा नवीकरणीय ऊर्जाको ३६ प्रतिशतदेखि ३८ प्रतिशत हिस्सा लिने लक्ष्य राखेको छ।
नवीकरणीय ऊर्जाले मौसम निर्भरता र उच्च लागतजस्ता चुनौतीहरूको सामना गरिरहेको वेला जापान सरकारले यसको विस्तारलाई अगाडि बढाउन प्राविधिक आविष्कारको परिकल्पना गरेको हो।
यसैबिच, आणविक ऊर्जाले विद्यमान लक्ष्य ढाँचामा आफ्नो २० प्रतिशत हिस्सा कायम राख्नेछ। यसले नवीकरणीय ऊर्जासँगै ‘डिकार्बोनाइजेसन’ प्रयासहरूमा प्रमुख घटकको रूपमा सेवा गर्नेछ। डिकार्बोनाइजेसन भनेको वायुमण्डलमा कार्बन डाइअक्साइड हटाउनु वा घटाउनु हो। कम कार्बन ऊर्जा स्रोतहरूको प्रयोगमा स्विच गरेर डिकार्बोनाइजेसन गरिन्छ।
यी लक्ष्यसहित योजनाको मस्यौदा जापान सरकारले अर्को हप्ता जारी गर्ने अपेक्षा गरिएको छ।
