काठमाडौं । वरिष्ठ गीतकार चिन्तामणि शिवाकोटीको शब्द रचनामा ‘हृदयकी रानी’को म्यूजिक भिडियो सार्वजनिक भएको छ । गीतमा वरिष्ठ गायक मदनकृष्ण श्रेष्ठ र समीक्षा अधिकारीले स्वर दिएका छन् । गीतमा वरिष्ठ संगीतकार कृति न्यौपानेको संगीत, पुरुषोत्तम सुवेदीको एरेन्ज, किशोर थापाको मिक्सिङ मास्टरिङ राजेश श्रेष्ठको रेकर्डिङ छ ।
म्यूजिक भिडियोमा कलाकार मदनकृष्ण श्रेष्ठ र गायिका कोमल ओली, नायक विमल अधिकारी र स्मारिका ढकालको अभिनय छ । म्यूजिक भिडियोको निर्देशक कृष्णदेव रुपाखेतीले गरेका छन् ।
७४ वर्षको उमेरमा अचानक आफ्नो प्रेमिकालाई भेटेपछि त्यो बेला टुटेको प्रेमको सम्झना गर्दै भिडियो सुरुवात हुन्छ । भिडियोमा ग्रामीण शैलीका सामग्रीहरू पनि प्रस्तुत गरिएको देखिन्छ । भिडियोमा उत्सव दाहालको छायाँकन, राहुल बराइलीको कोरियोग्राफी, विकास दाहालको सम्पादन छ ।
