विराटनगर । नेपाल प्रिमियर लिग (एनपिएल)को फ्रेन्चाइज टोली विराटनगर किंग्सले जर्सी सार्वजनिक गरेको छ । मंगलबार विराटनगर किंग्सका खेलाडी सन्दीप लामिछानेले जर्सी सार्वजनिक गरेका हुन् ।
जर्सी सार्वजनिक कार्यक्रममा कोशी प्रदेशका मुख्यमन्त्री हिक्मतकुमार कार्कीले एनपिएलमा विराटनगर किंग्सले सफलता पाउने बताए । कार्यक्रममा सन्दीप लामिछनेले खेलप्रति दर्शकको माया र साथले ट्रफी जितेर ल्याउने अठोट व्यक्त गरे ।
विराटनगर किंग्सका मालिक पारस लुनियाले क्रिकेट क्षेत्रको विकासका लागि सबै लाग्नुपर्नेमा जोड दिए । टोलीको जर्सी अनावरण कार्यक्रममा विराटनगर किंग्सका खेलाडीहरू लोकेश चन्द, दीपक बोहोरा, सुवास भण्डारी, विनोद गुरुङ, प्रतिश जिसीलगायतको उपस्थिति थियो ।एनपिएल यही मंसिर १५ गतेदेखि त्रिवि क्रिकेट मैदान कीर्तिपुरमा हुँदैछ ।
