काठमाडौं । परराष्ट्र मन्त्रालयका कायम मुकायम सचिव अमृतबहादुर राईले पदभार ग्रहण गरेका छन् । उनले आइतबार मन्त्रालयको कायम मुकायम सचिवको जिम्मेवारी सम्हालेका हुन् ।
मन्त्रिपरिषद्को गत बिहीबारको बैठकले उनलाई कायममुकायम सचिवको जिम्मेवारी दिने निर्णय गरेको थियो । राजदूत सिफारिस भएकी हालकी सचिव सेवा लम्साललाई प्रधानमन्त्री कार्यालयमा सरुवा गरिएको छ ।
बेल्जियमका लागि नेपाली राजदूतमा सिफारिस भएकी लम्सालको संसदीय सुनुवाइ पनि भइसकेको छ।
