पोखरा । अदालतले राष्ट्रिय स्वतन्त्र पार्टीका सभापति रवि लामिछानेलाई थप १५ दिन हिरासतमा राख्न अनुमति दिएको छ । आइतबार जिल्ला अदालत कास्कीले लामिछानेलाई थप १५ दिन हिरासतमा राखेर अनुसन्धान गर्न प्रहरीलाई अनुमति दिएको हो ।
यसअघि कार्तिक २५ मा उनलाई १३ दिन हिरासतमा राख्न प्रहरीलाई अनुमति दिएको थियो । शुक्रवार म्याद सकिए पनि शनिबार सार्वजनिक बिदा भएकाले आइतबार रविलाई अदालतमा उपस्थित गराइएको थियो।
उनीविरुद्ध कास्की प्रहरीले सहकारी ठगी, सम्पत्ति शुद्धीकरण र सङ्गठित अपराध मुद्दामा अनुसन्धान गरिरहेको छ । उनी कात्तिक २ गते काठमाडौंबाट पक्राउ परेका थिए ।
