काठमाडौं । यसवर्ष काठमाडौँ महानगर क्षेत्रभित्रका आठ स्थानमा छठ पर्व मनाउने तयारी गरिएको छ । काठमाडौं महानगरपालिकाका मेयर बालेन साहले महानगर क्षेत्रभित्रका आठ स्थानमा छठ मनाउने व्यवस्था मिलाइएको मिलाइएको जानकारी दिएका छन् ।
महानगरले गौरीघाट, कोटेश्वर दोभान, कमलपोखरी, वंशीघाट, बालाजु बाइसधारा, धौखेल खोला, कुमारी क्लब, र भुवनेश्वरी मन्दिरमा छठ मनाउने व्यवस्था मिलाएको मेयर साहले जानकारी दिए ।
यी स्थानमा छठ पर्व मनाउनका लागि पोखरी सरसफाइ, पोखरी वरिपरि रङ्गरोगन र छठ पर्व स्थल व्यवस्थापनको कामलाई द्रुतता दिएको उनले बताए ।
