काठमाडौं । प्रधानमन्त्री केपी शर्मा ओलीले चीन भ्रमणका विषयमा पूर्वप्रधानमन्त्री र पूर्वपरराष्ट्रमन्त्रीहरूसँग छलफल थालेका छन् ।
प्रधानमन्त्री तथा मन्त्रिपरिषद्को कार्यालय सिंहदरबारमा जारी छलफलमा प्रधानमन्त्री ओलीले पूर्वप्रधानमन्त्री र पूर्वपरराष्ट्रमन्त्रीहरूसँग चीन भ्रमणका विषयमा सुझाव लिइरहेका छन् ।
बैठकमा पूर्वप्रधानमन्त्रीहरू पुष्पकमल दाहाल प्रचण्ड, माधवकुमार नेपाल, झलनाथ खनाल तथा अन्तरिम मन्त्रिपरिषद्का अध्यक्ष खिलराज रेग्मी उपस्थित छन् । त्यस्तै बैठकमा पूर्वपरराष्ट्रमन्त्रीहरू नारायणकाजी श्रेष्ठ, एनपी साउद, डा. प्रकाशचन्द्र लोहनीलगायत पनि सहभागी छन् । प्रधानमन्त्री ओली १७ मंसिरमा चीन भ्रमणमा जाँदैछन् ।
