काठमाडौं । नेपाली कांग्रेसले सांसद राजेन्द्र बजगाईंलाई स्पष्टीकरण सोधेको छ । संस्कृति, पर्यटन तथा नागरिक उड्डेयनमन्त्री बद्री पाण्डेले कमिसन खाएको भन्दै बजागाईंले सामाजिक सञ्जालमा पोष्ट गरेको र बोलेका विषयमा कांग्रेसले उनीसँग स्प्ष्टीकरण सोधेको हो ।
उनलाई स्पष्टीकरण दिन बुधबारसम्मको समय दिइएको छ । उनलाई अनुशासन समितिका संयोजक आनन्द ढुङ्गानाले पार्टी केन्द्रीय कार्यालयमा बोलाएर मौखिक स्पष्टीकरण समेत लिएका थिए ।
मन्त्री पाण्डेले गत साता बजगाईंलाई अनुशासनको कारबाहीको माग गर्दै पार्टीमा उजुरी दिएका थिए ।
