काठमाडौं । नेकपा माओवादी केन्द्रले आगामी मंसिर १६ गते हुने उपनिर्वाचनका लागि सिफारिस भइ आएका उम्मेदवारको नाम अनुमोदन गरेको छ ।
सोमबार बिहान बसेको पार्टी पदाधिकारी बैठकले तल्ला कमिटीबाट सिफारिस भएका उम्मेदवारको नाम अनुमोदन गरेको पार्टी प्रवक्ता अग्निप्रसाद सापकोटाले जानकारी दिए ।
प्रवक्ता सापकोटाले उपनिर्वाचनमा आफ्ना उम्मेदवारहरूलाई जिताउनका लागि एकतावद्ध भएर पहल कदमीका लागि नेता तथा कार्यकर्ताहरूलाई अपील गर्ने निर्णय गरेको बताए ।
यसैगरी उपनिर्वाचनमा जित आफ्नो पक्षमा पार्न योजना तथा कार्यक्रम बनाएको उनले बताए । बैठकले पार्टीको अघिल्लो निर्णयअनुसार आगामी मंसिरमा पालिका सम्मेलन र खबरदारी कार्यक्रम गर्ने निर्णय भएको उनको भनाइ छ । त्यस्तै बैठकले आगामी पुस २ गते केन्द्रीय समितिको बैठक बस्ने निर्णय गरेको छ ।
