काठमाडौं । सर्वोच्च अदालतले मेडिकल व्यवसायी दुर्गा प्रसाईंलाई उपस्थित गराउन आदेश दिएको छ । आइतबार न्यायाधीश डा. मनोजकुमार शर्माको इजलासले बन्दीप्रत्यक्षीकरणको रिटमा प्रसाईंलाई पक्राउ गर्नुको कारणसहित दुई दिनभित्रमा उपस्थित गराउन सरकारलाई आदेश दिएको हो । इजलासले विपक्षीको नाममा कारण देखाउ आदेशसमेत जारी गरेको छ ।
प्रसाईंका छोरा निराजनले गृह मन्त्रालय, प्रहरी प्रधान कार्यालय, केन्द्रीय अनुसन्धान ब्युरो र काठमाडौं जिल्ला अदालतलाई विपक्षी बनाएर शुक्रबार रिट दायर गरेका थिए । प्रसाईं ४ मंसिरमा भक्तपुरस्थित निवासबाटै पक्राउ परेका थिए । उनीविरुद्ध प्रहरीले अनुसन्धान गरिरहेको छ ।
प्रसाईंले कम्बोडियाको टेलिकममा प्रधानमन्त्री केपी शर्मा ओलीको साढे ३२ अर्ब लगानी रहेको दाबी गरेका थिए । त्यसको भेलिपल्टै उनी पक्राउ परेका थिए ।
