काठमाडौं । विद्युत् नियमन आयोगले नेपाल विद्युत् प्राधिकरणलाई डेडिकेटेड तथा ट्रंकलाइनको बक्यौता उठाउँदा लाइन नकाट्न निर्देशन दिएको छ ।
मंगलबार प्राधिकरणलाई पत्र पठाउँदै आयोगले लाइन नकाटी बक्यौता उठाउन निर्देशन दिएको हो । आयोगका अध्यक्ष डा. रामप्रसाद धितालले अनुसार मन्त्रिपरिषद्ले जाँचबुझ समिति बनाएकाले त्यसको रिपोर्ट नआउँदासम्म अन्य निर्णय नगर्न प्राधिकरणलाई भनेका छन् ।
प्राधिकरणका प्रबन्ध निर्देशक कुलमान घिसिङले १५ दिनभित्र महसुल नबुझाए लाइन काट्ने चेतावनी दिएका थिए । मन्त्रिपरिषद्को निर्णयअनुसार प्राधिकरणको सञ्चालक समितिले उद्योगीलाई दिएको समय भोलि सकिँदैछ ।
