सुर्खेत । कर्णाली राजमार्गको दैलेख खण्डमा बस दुर्घटना भएको छ । शुक्रबार कालीकोटबाट कैलालीको टीकापुरतर्फ गइरहेको ना ४ ख ६०५६ नम्बरको बस दुर्घटना हुँदा २८ जना घाईते भएका छन् ।
जिल्ला प्रहरी कार्यालय दैलेखका अनुसार शुक्रबार बेलुका सवा पाँच बजे दैलेखको आठविस नगरपालिका–२ सिस्ने नजिक बस भित्तामा ठोक्किएको हो ।
अनियन्त्रित भएर बस भित्तामा ठोक्किएको दैलेखका प्रहरी प्रमुख डिएसपी सुनिल दाहालले जानकारी दिएका छन् । बसमा सवार २८ जना घाईतेमध्ये ८ जनाको अवस्था मध्यम रहेको उनले जानकारी दिए। ८ जनालाई स्थानीय मेडिकलमा उपचारका लागि पठाइएको छ। २० जनाको अवस्था समान्य रहेको उनले बताए।
