काठमाडौं । काठमाडौंको गोकर्णेश्वरमा एकै परिवारका तीन जना मृत फेला परेका छन् । बिहीबार गोकर्णेश्वर नगरपालिका वडा नम्बर ३ मा एकै परिवारका तीन जना मृत फेला परेका हुन् ।
मृत्यु हुनेमा ३३ वर्षीया सीता मोक्तान, उनकी छोरी अंशु मोक्तान र दुई महिनाका छोरा रहेका जिल्ला प्रहरी परिसर, काठमाडौंले जनाएको छ ।
मोक्तानका श्रीमान कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेपछि जाँच गर्दा बन्द कोठाभित्र शव भेटिएको बताइएको छ । प्रहरीले घटनाको अनुसन्धान सुरु भएको जनाएको छ ।
