काठमाडौँ । आईसीसी यू–१९ विश्वकपमा छनौट नेपाली महिला टोलीलाई नेपाल क्रिकेट संघ (क्यान) ले जनही दुई लाख ५० हजार रुपैयाँ पुरस्कारको घोषणा गरेको छ ।
क्यानले नेपाली टोलीका १४ खेलाडीलाई जनही २ लाख ५० हजार रुपैयाँ दिने घोषणा गरेको हो । त्यस्तै नेपाली टोलीका अफिसियलहरुले जनही १ लाख ५० हजार पाउने क्यानले जनाएको छ ।
यूएईबाट विश्वकपको यात्रा तय गरेको नेपाली टोली आजै स्वदेश फर्कदैछ । नेपालले बुधबार यूएईलाई निर्णायक खेलमा ८ विकेटले पराजित गरी आगामी जनवरीमा हुने आईसीसी यू–१९ विश्वकपलाई छनोट भएको थियो ।
