काठमाडौँ । इटालियन क्लब इन्टर मिलान यस सिजनको युइएफए च्याम्पियन्स लिगमा अपराजित रहेको छ ।
गएराती सम्पन्न खेलमा इन्टर मिलानले जर्मनी क्लब आरबी लेइपजिङलाई १-० गोल अन्तरले पराजित गरेको हो ।
इन्टर मिलानको जितमा खेलको २७औ मिनेटमा आरबी लेइपजिङका कास्टेलो लुकेबाले गरेको आत्मघाती गोल नै खेलको निर्णायक गोल बनेको थियो ।
यो जितपछि इन्टर मिलानको ५ खेलमा १३ अंकसहित शिर्ष स्थानमा रहेको छ । इन्टरले यस सिजनमा अहिलेसम्म ५ खेलमा ४ जित र एक बराबरी खेलेको छ ।
त्यस्तै आरबी लेइपजिंगले भने यस सिजनमा लगातार पाँच हार बेहोरेको छ ।
