काठमाडौं । नेपाल प्रिमियर लिगको टोली सुदूरपश्चिम रोयल्सले धनगढीको चौराहदेखि रंगशालासम्म र्याली निकालेको छ । सोमबार आयोजना गरिएको र्यालीमा क्रिकेटप्रेमीहरुको बाक्लो सहभागिता जनाएका थिए । विभिन्न विद्यालयका विद्यार्थीहरुले पनि र्यालीमा सहभागिता जनाएका थिए ।
सहभागीले ‘सुदूरको शान, मैदानमा तुफान’ जस्ता नारा लगाएका थिए । सुदूरपश्चिमका मार्की खेलाडी दीपेन्द्रसिंह ऐरी, मुख्य प्रशिक्षक जगत टमाटालगायत अन्य खेलाडीको सहभागिता थियो ।
नेपाल क्रिकेट संघ(क्यान)को आयोजनामा ८ टोलीको सहभागितामा मंसिर १५ देखि पुस ६ गते सम्म एनपीएल हुँदैछ ।
