काठमाडौं । पूर्वमुख्यसचिव डा. बैकुण्ठ अर्यालले पदबाट राजीनामा दिएका छन् । अर्यालले आजदेखि लागू हुने गरी राजीनामा दिएका हुन् ।
पछिल्लो समय सरकारले उनलाई राष्ट्रिय योजना आयोगमा मुख्य सचिव सरह भूमिका दिएर नियुक्त गरेको थियो । अन्तःशुल्क स्टिकर छपाइमा भएको भ्रष्टाचारमा उनी संलग्न भएको भन्दै गत असार ९ गते अख्तियार दुरूपयोग असुन्धानमा आयोगले विशेष अदालतमा मुद्दा दायर गरेपछि मुख्यसचिव रहेका उनी त्यतिबेला निलम्बनमा परेका थिए ।
तर यस मुद्दामा उनले कात्तिक १४ गतेसफाइ पाएका थिए । मुद्दाबाट सफाइ पाएपछि उनको निलम्बन फुकुवा भएर सरकारले राष्ट्रिय योजना आयोगमा राजपत्रांकित विशिष्ट श्रेणी पद सिर्जना गरी पदमा सार्ने निर्णय गरेको थियो । अर्याल निलम्बनमा परेपछि सरकारले मुख्य सचिवमा एकनारायण अर्याललाई बढुवा गरेको थियो ।
