काठमाडौँ । प्राविधिकतर्फ प्रहरी नायव महानिरीक्षक पदमा तीन जना बढुवा सिफारिस भएका छन् ।
बढुवा समितिको आइतबार बसेको बैठकको निर्णयअनुसार वरीष्ठ उपरीक्षकहरु डा दामोदर पौडेल, डा मनोज कुमार यादव, डा सञ्जिता दाहाल (घिमिरे) को नाम सिफारिस गरेको गृह मन्त्रालयले जनाएको छ ।
समितिका सदस्य सचिव प्रहरी अतिरिक्त महानिरीक्षक भीम प्रसद ढकालले सिफारिस सूची प्रहरी नियमावलीअनुसार प्रकाशित गरिएको जानकारी दिए ।
