काठमाडौं । जापानमा मानव तस्करीको आरोपमा पक्राउ परेका कोशीको पूर्वमन्त्री एवं एमाले कोशी प्रदेशका सांसद लिलाबल्लभ अधिकारीसहित ९ जनालाई थप पाँच दिन हिरासतमा राख्न अदालतले अनुमति दिएको छ ।
मंगलबार काठमाडौं जिल्ला अदालतका न्यायाधीश गायत्रीप्रसाद रेग्मीको इजलासले ९ जनालाई थप पाँच दिन हिरासतमा राख्न अनुमति दिएको हो । यसअघि कात्तिक २७ गते उनीहरुलाई अदालतले ७ दिन हिरासतमा राख्न अनुमति दिएको थियो । मन्त्री पदको दुरुपयोग गर्दै अवैध रूपमा मानिसहरू जापान लगेको आरोपमा उनी विराटनगरबाट पक्राउ परेका थिए ।
