काठमाडौं । राष्ट्रिय स्वतन्त्र पार्टीले स्थानीय तहको उपनिर्वाचनका लागि उम्मेदवार चयन गर्न प्रारम्भिक निर्वाचन गर्ने भएको छ ।
केन्द्रीय सदस्य गणेश पराजुलीको नेतृत्वमा रहेको केन्द्रीय निर्वाचन संयोजन समितिको बुधबार बसेको बैठकले प्रारम्भिक निर्वाचनको तालिका निर्धारण गरेको हो ।
प्रारम्भिक निर्वाचनका लागि कात्तिक २२ देखि २५ गतेसम्म उम्मेदवारी दर्ताको समय तोकिएको छ भने कात्तिक २८ गते मतदान र निर्णय हुनेछ ।
रास्वपाले स्थानीय तह उपनिर्वाचन परिचालनका लागि जिम्मेवारी समेत तोकेको छ । निशा डाँगीलाई कोसी प्रदेशको जिम्मेवारी दिइएको छ भने मधेसमा डा. चन्दा कार्की, बागमतीमा शिशिर खनाल र गण्डकीमा विन्दवासिनी कांसकारलाई निर्वाचन परिचालनको जिम्मेवारी दिइएको छ ।
त्यस्तै लुम्बिनीमा कुसुम महर्जन, कर्णालीमा लिमा अधिकारी र सुदुरपश्चिममा विष्णुकुमार श्रेष्ठले त्यसको जिम्मेवारी पाएका छन्।
