बीबीसी । अमेरिकाको जर्जियास्थित एक विद्यालयमा भएको गोलीकाण्डमा चार जनाको मृत्यु भएको छ । घटनामा अन्य नौ जना घाइते भएका छन् ।
ब्यारो काउन्टीको विन्डरको अपलाची हाई स्कूलमा बुधबार भएको आक्रमणमा दुई विद्यार्थी र दुई शिक्षकको मृत्यु भएको स्थानीय अधिकारीले जनाएका छन् ।
अधिकारीहरूका अनुसार करिब १९ सय विद्यार्थी अध्ययनरत विद्यालयमा स्थानीय समय अनुसार बिहान करिब साढे दश बजेको समयमा गोलीकाण्ड भएको थियो ।
गोली चलाउने १४ वर्षीय बालक कोल्ट ग्रेलाई प्रहरी अधिकारीले नियन्त्रणमा लिएका छन् । उनलाई हत्याको अभियोग लगाइने भएको छ ।
