मणिपुर । मणिपुर सरकारले राज्यमा विद्यमान कानून र व्यवस्थाको स्थितिको समीक्षापछि इन्टरनेट र मोबाइल डेटा सेवाहरू पुनःस्थापित गरेको छ ।
राज्यको गृह विभागले इम्फाल पश्चिम, इम्फाल पूर्व, थौबल, विष्णुपुर र काक्चिङ जिल्लामा भिस्याट र भिपिएन सेवासहित इन्टरनेट र मोबाइल डेटा सेवाहरूको निलम्बन हटाउने आदेश जारी गर्यो । सेप्टेम्बर २० सम्मका लागि थपिएको निलम्बन अहिले खारेज भएको छ ।
यसअघि राज्य सरकारले सेप्टेम्बर १० बाट पाँच दिनका लागि इन्टरनेटमा प्रतिबन्ध लगाएको थियो । सुरुमा आइतबार नै प्रतिबन्ध फुकुवा गर्ने भनिए पनि शान्ति सुरक्षाको अवस्थाका कारण लम्बिएको हो ।
