काठमाडौं । राष्ट्रिय स्वतन्त्र पार्टीले उपसभामुख इन्दिरा रानाले १९ महिना अघि लेखेको पत्रलाई अहिले आएर राजनीतिक बार्गेनिङको विषय बनाइएको आरोप लगाएको छ ।
बुधबारको प्रतिनिधिसभा बैठकमा रास्वपाका मनिष झाले ज्ञान नभएर उपसभामुखले लेखेको पत्रको विषयलाई अहिले राजनीतिक बार्गेनिङको विषय बनाइएको आरोप लगाएका हुन् ।
कांग्रेसले उपसभामुखका कारण देशको शिर निहुरिएको भनेकोमा आपत्ति जनाउँदै उनले मान्छेलाई शरणार्थी बनाउँदा देशको शिर झुक्यो कि झुकने भन्दै प्रश्न गरे ।
उनले भने, ‘१९ महिना अघि उपसभामुखले एउटा पत्र लेख्नुभयो । थाहा नभएर हस्ताक्षर गर्नुभयो, गल्ती भयो भनेर विज्ञप्ति पनि प्रकाशित गर्नुभयो । त्यो राजनीतिक चर्चाको रूपमा हुँदैछ, बार्गेनिङ प्वाइन्टको रूपमा । आज कांग्रेसले उपसभामुखका कारण देशको शिर निहुरिएको भनेछ । मान्छेलाई शरणार्थी बनाउँदा देशको शिर किन झुकेन ? मन्त्रीले सरकारी जग्गा हडपेर पैसा नतिर्दा किन झुकेन ?’
