काठमाडौं। एएफसी च्यालेन्ज लिगअन्तर्गतको खेलमा चर्च ब्वाइज युनाइटेड भुटानको पारो एफसीसँग पराजित भएको छ।
त्रिपुरेश्वरस्थित दशरथ रंगशालामा भएको खेलमा चर्च ब्वाइज पारोसँग २–१ गोलले पराजित भएका हो। बीचको पहिलो हाफ एक÷एक गोलको बराबरीमा सकिएको खेलको ६६औं मिनेटमा पारोेले दोस्रो गोल गर्दै विजयी भएको हो।
खेलको ३८औँ मिनेटमा चर्च ब्वाइज युनाइटेडका लाकेन लिम्बुले गोल गरेका थिए। मोसेस गाबाले पेनाल्टी बक्समा हेडमार्फत दिएको पासमा लाकेनले गोल गर्दै टोलीलाई अग्रता दिलाएका थिए।
तर चर्च ब्वाइजको अग्रता लामो समयसम्म टिक्न सकेन। त्यसको दुई मिनेटमै अर्थात् ४०औँ मिनेटमा पारोका लागि किङ्गा वाङ्चुकले बराबरी गोल फर्काउँदै खेल बराबरीमा ल्याएका थिए। चर्च ब्वाइजका गोलकिपर दीप कार्की अघि बढेको अवस्थामा किङ्गाले गोल गर्न सफल भए।
खेलको ६६औं मिनेटमा पारो एफसीका विलियम ओपोकु ओसिइदुले गोल गर्दै पारो एफसीले २–१ को अग्रता दिलाउँदै टोलीलाई जित दिलाए।
