काठमाडौं । शिक्षामन्त्री सुमना श्रेष्ठले शिक्षकका कारण एसइईको नतिजा राम्रो नभएको भन्ने एमाले अध्यक्ष केपी शर्मा ओलीको भनाईप्रति आपत्ति जनाएकी छन् ।
बिहीबार राति सामाजिक संजालमार्फत शिक्षामन्त्री श्रेष्ठले आफूले राजनीतिमा लागेका शिक्षकलाई कारबाही गर्छु भन्दा सरकारनै परिवर्तन गर्न खोजिएको भन्दै ओलीको अभिव्यक्तिप्रति आपत्ति जनाएकी हुन् ।
बिहीबार अनेरास्ववियु रुपन्देहीले एसइई परीक्षामा उत्कृष्ट नतिजा ल्याएका विद्यार्थीको सम्मानमा बुटवलमा आयोजना गरेको कार्यक्रममा अध्यक्ष ओलीले शिक्षकका कारण एसइईको नतिजा राम्रो नभएको बताएका थिए ।
शिक्षामन्त्री श्रेष्ठले राजनीतिमा लागेका शिक्षकलाई कारबाही गर्छु भनेर आफूले फाइल अगाड बढाउँदा सरकारनै परिवर्तन खोजिएको बताइन् ।
उनले भनेकी छन्, ‘आदरणीय केपी बा ! शिक्षकले राम्रो नपढाँउदा एसइईको नतिजा राम्रो भएन भनेर प्रतिक्रिया दिनुभएछ । अनि राजनीतिमा लागेका शिक्षकलाई कारवाही गर्छु भनेर मैले फाइल अगाडि बढाँउदा सरकारनै परिवर्तन गर्न खोज्ने । तपाईंको शिक्षकले तपाईंकै पार्टीको सिद्धान्त पढाए मात्र हो अब ।’
