रोल्पा । रोल्पामा जिप दुर्घटना हुँदा सात जनाको मृत्यु भएको छ । रोल्पाको माडी गाउँपालिका–४ परेवाछहरामा सोमबार अपरान्ह जिप दुर्घटना हुँदा सात जनाको मृत्यु भएको छ ।
रोल्पाको घर्तीगाउँबाट तालावाङतर्फ जाँदै गरेको लु १ ज ३२५२ नम्बरको जिप माडी गाउँपालिका वडा नम्बर ४ स्थित परेवा छहरामा दुर्घटना भएको हो ।
मृतकको सनाखत भइसकेको छैन । जिप सडकबाट करिव चार सय मिटर तल खसेको छ । दुर्घटनामा घाइते भएका ६ जनालाई उपचारका लागि प्राथमिक स्वास्थ्य केन्द्र घर्तीगाउँमा पठाएको जिल्ला प्रहरी कार्यालय रोल्पाका प्रमुख डीएसपी भरत लामाले जानकारी दिएका छन् ।
